„ნაციონალური მოძრაობა" „ქართული ოცნების" ინიციატივას, დაუბეგრავი მინიმუმის შემოღებასთან დაკავშირებით, საკუთარი საკანონმდებლო ინიციატივით პასუხობს. ძველი მთავრობა ახალ მთავრობას საშემოსავლო გადასახადის დაწევას და დაუბეგრავი მინიმუმის შემოღებას 500 ლარიანი შემოსავლის ყველა კატეგორიისთვის ურჩევენ.
„ჩვენ უმრავლესობას ვთავაზობთ, ძალიან კონკრეტულ წინადადებას. დაუბეგრავი მინიმუმი, რომელიც დღეს არსებული ინიციატივით, ვრცელდება მხოლოდ ხელფასის მიმღებ ადამიანებზე, გავრცელდეს აბსოლუტურად ყველაზე, ვინც იხდის საშემოსავლო გადასახადს. იმისათვის, რომ მილიონამდე ოჯახმა მყისიერი შედეგი იგრძნოს შემოსავლების ზრდის თვალსაზრისით, ვფიქრობთ, რომ საშემოსავლო გადასახადი 18%-მდე უნდა შემცირდეს", - განაცხადა გიორგი ვაშაძემ, პარტიის ოფისში გამართულ ბრიფინგზე.
