მსოფლიოს "ყველაზე ცივ" ქვეყანათა რეიტინგში საქართველო ერთ-ერთ ლიდერ პოზიციაზეა. გამოკითხვაში, რომელიც საერთაშორისო სააგენტო Gallup -მა ჩაატარა, პირველ პოზიციაზე, ხმათა 36 %-ით, სინგაპური მოხვდა, ხოლო მეორე და მესამე ადგილები, 37-37 %-ით, საქართველომ და ლიტვამ გადაინაწილეს.
ხოლო რაც შეეხება „ცივ" სახელმწიფოთა ჩამონათვალს, ამ სიაში მოხვდნენ: ყაზახეთი, რუსეთი, მადაგასკარი, უკრაინა, ბელორუსი, ნეპალი და ყირგიზეთი.
ყველაზე ემოციურ სახელმწიფოებად კი აღიარეს ფილიპინები (60%), სალვადორი (57%), ბახრეინი (56%), ომანი და კოლუმბია (55-55 %-ით), ასევე აღნიშნული ნომინაციაში მოხვდნენ: ჩილე, კოსტა-რიკა, კანადა, გვატემალა, ბოლივია, ეკვადორი, დომინიკის რესპუბლიკა, პერუ, ნიკარაგუა, აშშ (ყველა ამ ქვეყანამ 54 %-ი აიღო).
იმისათვის, რომ სარეიტინგო სააგენტოს რეიტინგის შესადგენად ქვეყნების ემოციური ფონი შეესწავლა, სოციოლოგებმა კვლევა ტელეფონითაც ჩაატარეს. გამოიკითხა 15 წელს ზემოთ ადამიანები 150 ქვეყნიდან. აღსანიშნავია, რომ კვლევა 2009 წლიდან 2011 წელს მოიცავს. ხოლო ამის შემდეგ 1 წელი აღნიშნული მონაცემების დამუშავებას დასჭირდა.
