ნორვეგიელი ტერორისტი ანდრეს ბრეივიკი 27 გვერდიან საჩივარში აცხადებს, რომ ციხის ზედამხედველებს იგი თვითმკვლელობამდე მიჰყავთ და მას არ აძლევენ საკმარისი რაოდენობით კანფეტებს.
ბრეივიკმა ციხეს, რომელშიც ის იმყოფება "მინი აბუ-გრეიბი" უწოდა. (აბუ გრეიბი ერაყის დედაქლაქ ბაღდადიდან 32 კმ-ში მდებარეობს, სადაც გავრცელებული ინფორმაციით აშშ-ის ჯარისკაცები ერაყელ ტუსაღებს აწამებდნენ).
ტერორისტი კვლავ აცხადებს, რომ მას აძლევენ ცივ ყავას, არ ჰყოფნის საკნის განათება რათა იკითხოს, არ აძლევენ კანფეტებს და ყოველდღიურად ამოწმებენ.
ამჟამინდელი საჩივარი მეორეა, რომელიც ბრეივიკმა სამოთახიან კამერაში ყოფნის ცუდ პირობებთან დაკავშირებით შეადგინა.
პირველი საჩივრის შემდეგ მან კომპიუტერით სარგებლობის უფლება მიიღო.
შეგახსენებთ, რომ ნორვეგიელი ტერორისტს 77 ადამიანის მკვლელეობის გამო ციხეში 21 წლის გატარება მოუწევს.