ოსური მხარის მიერ ე.წ. საზღვრის უკანონო კვეთისთვის დაკავებული გორის რაიონის სოფელ კირბალში მცხოვრები საქართველოს სამი მოქალაქე გათავისუფლებულია.
მოლაპარაკებებს მათ გათავისუფლებაზე ოსურმ ხარესთან შიდა ქართლის სამხარეო მთავარი სამმართველოს უფროსი გიორგი დვალიშვილი და მისი მოადგილე ზურაბ ბერიკაშვილი ორი თვის განმავლობაში ახორციელებდნენ.
ძმები გია და აკაკი აბალაკები, ასევე მათი თანასოფლელი გერონტი პაპიტაშვილი 17 სექტემებრს გორის რ-ნის სოფ. კირბალის მიმდებარე ტერიტორიაზე შეშის შესაგროვებლად გავიდნენ რა დროსაც ისინი ე.წ.მესაზღვრეებმა დააკავეს.
გათავისუფლებულ ქართველებს ერგნეთის ტერიტორიაზე შსს-ის შიდა ქართლის სამხარეო მთავარი სამმართველოს უფროსი და მოადგილეები დახვდნენ.
