კრწანისის სასწავლო ცენტრში უბედური შემთხვევა მოხდა. სამსახურეობრივი მოვალეობის შესრულების დროს, რიგითი მამედ გულიევი დაიღუპა. დღის 12.00 საათისთვის, წვევანდელი გულიევი პოლიგონზე სამსახურეობრივ შემოვლას აწარმოებდა, როდესაც მან საბრძოლო მასალა შენიშნა.
თვდაცვის სამინისტროს ინფორმაციით, წინასწარი მონაცემებით, ის ჭურვის დაშლას თვითნებურად შეეცადა. მის მიერ გამოჩენილი გაუფრთხილებლობის გამო ჭურვი მოქმედებაში მოვიდა და აფეთქდა. მამედ გულიევი ადგილზე დაიღუპა.
შემთხვევის ადგილზე მალევე შეიარაღებული ძალების ხლმძღვანელობა და ექსპერტ-კრიმინალისტთა ჯგუფი მივიდა. გარდაცვალების ზუსტ მიზეზს გამოძიება დაადგენს. რიგითი გულიევი სამი თვეა, რაც საქართველოს შეიარაღებულ ჯარებში მსახურობს. საქართველოს თავდაცვის სამინისტრო ღრმა მწუხარებას უცხადებს დაღუპულის ოჯახს.
