23 ნოემბერს კომპანია „თეგეტა მოტორსმა" ქ. ქუთაისში ნიკეას ქუჩა # 12-ში ახალი სავაჭრო ობიექტი გახსნა. საქართველოს მასშტაბით „თეგეტა მოტორსისთვის" ეს მე-17 ფილიალია.
სავაჭრო ობიექტზე მომხმარებელს კონსულტაციას გაუწევს პროფესიონალი და კვალიფიციური პერსონალი. ადგილზე წარმოდგენილი იქნება მსოფლიოში ცნობილი პრემიუმ ბრენდების პროდუქციის ფართო ასორტიმენტი: საბურავები, აკუმულატორები, საავტომობილო და ინდუსტრიული ზეთები, ფილტრები, დისკები, ამორტიზატორები, სათადარიგო ნაწილები, ავტომობილის მოვლის საშუალებები.
„თეგეტა მოტორსი" დღეს 300-ზე მეტი ბრენდის ოფიციალური წარმომადგენელია საქართველოში, აზერბაიჯანსა და სომხეთში, მათ შორის ექსკლუზიური დისტრიბუციის უფლებით სარგებლობლობს ისეთ პრემიუმ ბრენდებზე, როგორიცაა: Bridgestone, Michelin, Varta, Shell, Motul, Hengst, ZF, TRW, Thermo King და სხვა.
"თეგეტა მოტორსი" უნივერსალური კომპანიაა, რომელიც კორპორატიულ და საცალო მომხმარებელს ავტოპროდუქტებისა და ავტოტექმომსახურების სრულ ასორტიმენტს სთავაზობს.
აღსანიშნავია, რომ კომპანია წლის ბოლომდე კიდევ ერთი ფილიალის გახსნას გეგმავს.