დიდი ბრიტანეთის მინისტრი ევროპის საკითხებში დევიდ ლიდიგტონი საქართველოს საგარეო საქმეთა მინისტრ მაია ფანჯიკიძეს შეხვდა. მხარეებმა შეხვედრაზე ორ ქვეყანს შორის ურთიერთობის გაღრმავებასა და ევროატლანტიკურ სტრუქტურებში ინტეგრაციისა და საერთაშორისო ორგანიზაციის ფარგლებში თანამშრომლობის საკითხები განიხილეს.
,,შეხვედრაზე ვისაუბრეთ საქართველოს საგარეო პრიორიტეტებზე, საქართველოს საგარეო უწყვეტ კურსზე ნატოსა და ევროკავშირში ინტეგრაციის კუთხით, ვილაპარაკეთ რუსეთთან ურთიერთობებზე და იმ ღრმა თანამშრომლობაზე, რომელიც ორ ქვეყანას აკავშირებს", - განაცხადა ჟურნალისტებთან შეხვედრის დასრულების შემდეგ გამართულ ერთობლივ პრესკონფერენციაზე საქართველოს საგარეო საქმეთა მინისტრმა მაია ფანჯიკიძემ, რომელმაც აღნიშნა, რომ დევიდ ლიდიგტონთან შეხვედრაზე საუბარი შეეხო ახლო აღმოსავლეთში მიმდინარე პროცესებს.
შეგახსენებთ, რომ დევიდ ლიდიგტონის საქართველოში ვიზიტი ორდღიანია. ვიზიტის ფარგლებში დევიდ ლიდიგტონი შეხვედრებს გამართავს საქართველოს პრეზიდენტთან მიხეილ სააკაშვილთან, პრემიერ-მინისტრ ბიძინა ივანიშვილთან, უშიშრობის საბჭოს მდივანთან გიგა ბოკერიასა და მთავრობისა და სამოქალაქო სექტორის წარმომადგენლებთან. საქართველოში ვიზიტის ფარგლებში დიდი ბრიტანეთის მინისტრი ევროპის საკითხებში ევროპის სადამკვირვებლო მისიის ოფისსაც ეწვევა და მისიაში მონაწილე ბრიტანულ კონტიგენტს შეხვდება.
