საქართველოს პრეზიდენტის რეზიდენციაში შეწყალების კომისიის სხდომა მიმდინარეობს. შეწყალების კომისის სიაში, რომელიც 1000-ზე მეტი პატიმრის საქმეა მოხვდა ყველა ტიპის და კატეგორიის პატიმრებს აერთიანებს. როგორც ჟურნალისტებს შეწყალების კომისიის თავმჯდომარემ სხდომის დაწყებამდე განუცხადა საქმეების ნაწილი განსახილველად კომისიას საპატრიარქომ გადასცა.
,,გარდა იმ საქმეებისა, რომელიც პრეზიდენტის სახელზე იყო გადმოგზავნილი საპატრიარქოს შუამდგომლობაც დაემატა. თუმცა საპატრიარქოს სია ბოლომდე ვერ შევძელით, ვერ გავიარეთ, მაგრამ რაღაც ნაწილი მოვასწარით და დანარჩენი საახალწლოდ გადავიტანეთ", _ განაცხადა ელენე თევდორაძემ.
მისივე განცხადებით, კომისია სხვა პატიმრებთან ერთად, განიხილავს 80 ქალი პატიმრის, 3 არასრულწლოვანისა და ერთი უცხოელის საქმეს, რომელიც სასჯელს საზღვრის უკანონო გადმოკვეთისთვის იხდის.
შეგახსენებთ, რომ შეწყალებული პატიმრები საპყრობილეებს 23 ნოემბერს, გიორგობის დღესასწაულზე დატოვებენ.