საქართველო დსთ-ში არასოდეს დაბრუნდება და მსგავსი წინადადებები ყოველგვარ საფუძველს მოკლებულია. ეს განცხადება საქართველოს საგარეო საქმეთა მინისტრმა მაია ფანჯიკიძემ გააკეთა.
"ჩვენ დსთ-ში გაწევრიანების არავითარი ოფიციალური წინადადებები არ მიგვიღია და მე ვფიქრობ, რომ იქ კარგად ესმით ამგვარი გადაწყვეტილების შეუძლებელობა. საქართველო მხოლოდ ორ გაერთიანებაში აპირებს შესვლას ეს ევროკავშირი და ნატოა",_ განაცხადა მაია ფანჯიკიძემ და აღნიშნა, რომ მთელი სტრატეგია მხოლოდ ამისკენაა მიმართული და არავითარი საუბარი დსთ-ში წევრობაზე არ მიდის.
შეგახსენებ, რომ რამდენიმე დღის წინ დსთ-ს აღმასრულებელი კომიტეტის წარმომადგენლებმა განაცხადეს, რომ მზად არიან საქართველოს დსთ-ში დაბრუნების საკითხი განიხილონ იმ შემთხვევაში თუ მსგავსი ინიციატივა თბილისის მრიდან წამოვა.