ისრაელის საგარეო საქმეთა მინისტრი ავიგდორ ლიბერმანი საქართველოს წლის ბოლომდე ეწვევა, -
აღნიშნულის შესახებ ,,ჯი-ეიჩ-ენთან" საუბარში ისრაელის საგანგებო და სრულუფლებიანმა ელჩმა საქართველოში იუვალ ფუქსმა განაცხადა .
,,ახლა ვამზადებთ პრემიერ-მინისტრის მოადგილისა და საგარეო საქმეთა მინისტრის ბატონი ლიბერმანის ვიზიტის საქართვლოშო, რომელიც სავარაუდოდ, წლის ბოლომე შედგება. ეს იქნება პირველი ამ დონის ვიზიტი გარკვეული პერიოდის შემდეგ და ჩვენ ამ ვიზიტზე ახალ ვმუშაობთ", -განაცხადა იუვალ ფუქსმა და აღნიშნა, რომ ავიგდორ ლიბერმანის საქართველოში ვიზიტი ხელს შეუწყობს ორ ქვეყანას შორის ურთიერთობის გაღრმავებას.
,,ვიზიტი ხელს შეუწყობს ორ ქვეყანას შორის ურთიერთობის გაძლიერებასა და გაღრმავება. არსებობს გარკვეული ინიციატივები და საკითხები, რომელიც განხილული იქნება შეხვედრების დროს. ეს იქნება სოფლის მეურნეობის საკითხები, ორ ქვეყანას შორის ეკონომიკური ურთიერთობები, ასევე პოლიტიკური ურთიერთობა, რეგიონული საკითხები, რადგან მეტ-ნაკლებად ორივე ქვეყანა ერთ რეგიონში და საკითხი რომელზეც აუცილებლად იქნება საუბარი ეს არის უშუალოდ ხალხის, ადამიანებთან ურთიერთობა", -განაცხადა ისრაელის ელჩმა საქართველოში.