საქართველოს საგარეო საქმეთა სამინისტრო ღრმა მწუხარებას გამოხატავს 2012 წლის 17 ნოემბერს ეგვიპტეში, კაიროს მახლობლად, მანფალუტში მომხდარ უბედურ შემთხვევასთან დაკავშირებით, რომლის დროსაც მატარებელი შეეჯახა სასკოლო ავტობუსს. შედეგად დაიღუპა 50 ბავშვი და ათობით დაშავდა.
საგარეო საქმეთა სამინისტრო თანაგრძნობას უცხადებს ეგვიპტის მთავრობას, დაღუპულთა და დაზარალებულთა ოჯახებსა და ახლობლებს.
