,,დაკავებებთან დაკავშირებით პროცესი გამჭვირვალე უნდა იყოს" - განაცხადა ჟურნალისტებთან აშშ-ის სახელმწიფო მდივნის მოადგილემ ფილიპ გორდონმა პრემიერ-მინისტრთან შეხვედრის დასრულების შემდეგ.
,,დიდი მნიშვნელობა აქვს ორი მხარის ერთად მუშაობას. ვიცით, რომ მწვავე საარჩევნო კამპანიის შემდეგ, ამის გაკეთება ადვილი არ არის. ჩვენც გვქონდა ასეთი კამპანია აშშ-ში. ყოველთვის ადვილი არ არის მუაშობა პოლიტიკურ ოპონეტთან, მაგრამ აუცილებელია დემოკრატიის განვითარებისთვის. ჩვენ ვისაუბრეთ დაკავებებზე, რომელიც ვიცი, რომ მედიის მთავარი თემაა, მაგრამ ხაზგასმით აღვნიშნე, რომ პროცესი უნდა იყოს გამჭვირვალე და სამართლიანი. ყველას სურს კანონის უზენაესობა დაცული იყოს და ის ვინც დანაშაული ჩაიდინა პასუხი აგოს, მაგრამ ამავდროულად აუცილებელია თავიდან ავიცილოთ შერჩევითი სამართლის აღქმა. სწორედ ამ საკითხზე გავამახვილე ყურადღება შეხვედრაზე, რადგან ეს მნიშვნელოვანია, მსოფლიოში საქართველოს ინტეგრაცისთვის, მისი ატლანტიკური გზისთვის, რასაც მხარს ვუჭერთ", _განაცხადა გორდონმა.
შეგახსენებთ, რომ ფილიპ გორდონი,საქართველოში ვიზიტის ფარგლებში უკვე შეხვდა საპარლამენტო უმცირესობის ლიდერს დავით ბაქრაძესა და პარლამენტის თავმჯდომარეს დავით უსუფაშვილა და ბიძინა ივანიშვილს.
