,,აშშ-ის სურვილია საქართველოში მიმდინარე პროცესები დემოკრატიულად გაგრძელდეს", _ განაცხადა ჟურნალისტებთან უმცირესობის ლიდერმა დავით ბაქრაძემ, რომელმაც აღნიშნა, რომ ფილიპ გორდონთან შეხვედრაზე საქართველოში მიმდინარე პროცესებთან დაკავშირებით ისაუბრსეს.
"ამერიკის შეერთებული შტატების გულწრფელი სურვილია საქართველოში მიმდინარე პროცესები გაგრძელდეს დემოკრატიულად და სამართლიანად. მე მოხარული ვარ, რომ ფილიპ გორდონი ხვდება უშიშროების საბჭოს, პრეზიდენტის ადმინისტრაციის და ახალი მთავრობის წარმომადგენლებს, რათა კიდევ ერთხელ ყველასთან შეხვედრების შედეგად ჩამოაყალიბოს პოზიცია, რომ საქართველოს მომავალი არის მშვიდობიან და დემოკრატიულ განვითარებაში", - აღნიშნა დავით ბაქრაძემ.
შეგახსენებთ, რომ ფილიპ გორდონის საქართველოში ვიზიტის ფარგლებში უკვე შეხვდა საქართველოს პარლამენტის თავმჯდომარეს დავით უსუფაშვილს.