აშშ მზად არ არის აღიაროს ახლახანს შექმნილი სირიის ოპოზიციური კოალიცია "დევნილობაში მყოფი მთავრობის" რანგში და არ აპირებს მისთვის იარაღის მიწოდებას. ამის შესახებ თეთრ სახლში გამართულ პრესკონფერენციაზე აშშ-ის პრეზიდენტმა ბარაკ ობამამ განაცხადა.
"ჩვენ მზად არ ვართ ვაღიაროთ ისინი დევნილობაში მყოფ მთავრობად, თუმცა მივიჩნევთ, რომ ეს არის ფართო წარმომადგენლობითი ჯგუფი", - განაცხადა ობამამ.
მან ასევე აღნიშნა, რომ აშშ არ განიხილავს სირიელი ამბოხებულებისთვის იარაღის მიწოდების საკითხს.
"არსებობს საშიშროება, რომ ის მოხვდება ექსტრემისტების ხელში, რაც, შესაძლოა, გამოიყენონ როგორც აშშ-ის ასევე ისრაელის წინააღმდეგ", - განაცხადა ობამამ.
მასალის გამოყენების პირობები
