ბელგიელმა პასკალ მიშემ, რომელიც ამჟამად კანადაში ცხოვრობს, პომიდვრის ღვინის წარმოება დაიწყო. წლის განმავლობაში მწარმოებელი 34 ათას ბოთლ პომიდვრის ღვინოს ყიდის.
მწარმოებელი განმარტავს, რომ ის პომიდვრის ღვინოს დიდი ბებიის რეცეპტით ამზადებს და საკმაოდ წარმატებული სასმელიც გამოსდის. პომიდორი, ღვინოდ ქცევამდე, ყველა იმ სტადიას გადის, რასაც ყურძენი. პომიდვრის წვენის დაღვინებას 9 თვემდე სჭირდება და დაღვინების შემდეგ სასმელს აქვს თეთრი ფერი, ისე, როგორც ყურძნის სასმელს. ამ დროისთვის პომიდვრის ღვინის შეძენა რამდენიმე მაღაზიაშია შესაძლებელი, თუმცა, როგორც მწარმოებელი განმარტავს, მალე პომიდვრის ღვინო აშშ-ის, საფრანგეთის, გერმანიის, ლუქსემბურგისა და ნიდერლანდების წამყვან მაღაზიებშიც გამოჩნდება.