საქართველოს პრემიერ მინისტრი ბიძინა ივანიშვილი იმედგაცრულებულია მოსკოვის რეაქციით რუსეთთან სპეციალური წარმომადგენლის დანიშვნის გამო. ამის შესახებ ივანიშვილმა ევროკომიის ხელმძღვანელთან ჟოზე მანუელ ბაროზუსთან შეხვედრის შემდეგ გამართულ ბრიფინგზე განაცხადა.
მისი თქმით, ზურაბ აბაშიძის დანიშვნა მნიშვნელოვანი ნაბიჯია, რომელიც საქართველოს ახალმა ხელისუფლებამ გადადგა, თუმცა პირველ ეტაპზე რუსეთის მიერ გაკეთებულმა განცხადებებმა მისი იმედგაცრუება გამოიწვია.
"ჩვენ კვლავ ვიმედოვნებთ, რომ რუსეთის ხელისუფლება გააკეთებს ანალიზს და გადადგამს შესაბამის ნაბიჯებს. ორ ქვეყანას შორის არსებული ესკალაცია არც ერთი ქვეყნისთვის სასურველი არაა და ჩვენ უნდა შევძლოთ გავაუმჯობესოთ და განვავითაროთ ჩვენი ისტორიული ურთიერთობები", - განაცხადა ივანიშვილმა.
შეგახსენებთ, რომ რუსეთის საგარეო საქმეთა სამინისტროს განცხადებით, მოსკოვი საქრთველოსგან კონკრეტულ ნაბიჯებს ელოდება.
