,,ასეთი კრიტიკული ტონი ნატოს მხრიდან არ მახსოვს", - განაცხადა მიხეილ სააკაშვილმა ანდრეს ფოგ რასმუსენთან შეხვედრის დასრულების შემდეგ.
პრეზიდენტის განცხადებით, რასმუსენი განაცხადება დაფიქრების საფუძველი უნდა გახდეს.
,,ნატოს გენერალური მდივანი ძალიან კრიტიკული იყო. ასეთი კრიტიკული ტონი ნატოს მხრიდან არ მახსოვს. საერთოდ ნატო კრიტიკული არ იყო ხოლმე ბოლო წლებში საქართველოს მიმართ და ასეთი კრიტიკული ტონი რომელიმე ქვეყნის მხრიდან იშვიათად მახსოვს. ვფიქრობ, ეს დაფიქრების საფუძველს იძლევა. გენშტაბის უფროსის კალანდაძის დაკავება იმ ბრალდებებით, რომელიც იყო დილის ექვს საათზე თავდაცვის მინისტრის კაბინეტში სხვა მიზეზის გამოძახებით და შემდეგ აყვანით და Yყველაფერი შემდეგ, რაც ამას მოყვა და მთელი ფონი საერთოდ რაც დაკავებებთან იყო და ის ბრალდებები, რაც იყო. იმ პირობებში, როცა ამდენი წელი ვმუშაობდით, რომ ნატოს სამხედრო კომიტეტი საქართველოში ჩამოსულიყო. Eეს საქართველოსთვის მნიშვნელოვანი იყო. ეს სააკაშვილის რაღაცის მიღწევა კი არ არის და ჩაგვეშალა ეს ვიზიტი", -განაცხადა სააკაშვილმა, რომელმაც აღნიშნა, რომ რასმუსენთან შეხვედრაზე დააყენა საკითხი გაზაფხულზე ნატოს კომისიის საქართველოში ჩამოსვლის შესახებ.
შეგახსენებთ, რომ ნატოს გენერალური მდივანი შეშფოთებას გამოთქვამს საქართველოში მიმდინარე პროცესებთან დაკავშირებით.
,,მე უკიდურესად შეწუხებული ვარ არჩევნების შემდეგ განვითარებული მოვლენებით, რომელიც საქართველოში პოლიტიკური ოპონენტების დაკავებას უკავშირდება", - განაცხადა ნატო-ს გენერალურმა მდივანმა ანდერს ფოგ რასმუსენმა პრაღაში, ნატო-ს საპარლამენტო ასამბლეის სხდომაზე.
სააგენტო „როიტერის" ცნობით, რასმუსენმა საქართველოს მთავრობას მოუწოდა, რომ სასამართლო პროცესები პოლიტიკური ჩარევისგან თავისუფალი იყოს. „ამ საკითხების გადაწყვეტა სასამართლო სისტემის პრეროგატივაა, მაგრამ ცხადია, მნიშვნელოვანია, რომ ასეთი საქმეები პოლიტიკური ჩარევის გარეშე განიხილებოდეს. ჩვენ განსაკუთრებული ყურადღებით დავაკვირდებით მოვლენების განვითარებას ამ მიმართულებით", - აღნიშნა რასმუსენმა.
მასალის გამოყენების პირობები