,ჩვენი მიზანია, რაც შეიძლება მალე მივიყვანოთ მოლაპარაკებები სასურველ შედეგამდე საქართველოს ასოცირებული წევრობის შესახებ', - განაცხადა ჯურნალისტებთან ევროპული საბჭოს პრეზიდენტმა ჰერმან ვან რომპეიმ ბიძინა ივანიშვილთან შეხვედრის შემდეგ.
,,ევროკავშირი კვლავ გააგრძელებს მუშაობას საქართველოსთან პოლიტიკური ასოციაციის მიღწევისა და ეკონომიკური ინტეგრაცისთვის. Uუფრო კონკრეტულად კი ჩვენ გვინდა, რაც შეიძლება მალე მივიყვანოთ სასურველ შედეგამდე მოლაპარაკებები საქართველოს ასოცირებული წევრობის შესახებ მათ შორის მოლაპარაკებები თავისუფალი ვაჭრობის შესახებ. ჩვენ იმედი გვაქვს, რომ სავიზო საკითხებშიც მივაღწევთ სასურველ შედეგს, რაც მნიშვნელოვანია ხალს შორის ურთიერთობის მხრივ", -განაცხადა შეხვედრის დასრულების შემდეგ ჰერმან ვან რომპეიმ.
შეგახსენებთ, რომ ბრიუსელში ვიზიტის ფარგლებში საქართველოს პრემიერ-მინისტრი ბიძინა ივანიშვილი უკვე შეხვდა ევროკომისიის პრეზიდენტს ჟოზე მანუელ ბაროზოს. ივანიშვილი ასევე შეხვდება ევროკომისართან ევროკავშირის გაფართოებისა და ევროპული სამეზობლო პოლიტიკის საკითხებში შტეფან ფულესა და თან, ევროპის პარლამენტის პრეზიდენტ მარტინ შულცს. შეხვედრა ასევე გაიმართება ბელგიაში მცხოვრებ ქართული დიასპორის წარმომადგენლებთან.
14 ნოემბერს დაგეგმილია საქართველოს პრემიერ-მინისტრის ბიძინა ივანიშვილის შეხვედრა ნატოს გენერალურ მდივანთან, ანდერს ფოგ რასმუსენთან.