დღეს საქართველოს სახელმწიფო მინისტრი დიასპორის საკითხებში კონსტანტინე სურგულაძე ბელგიის საემიგრაციო სამსახურის გენერალურ დირექტორს ფრედი რუსმონტს შეხვდა. შეხვედრას გაცნობითი ხასიათი ჰქონდა და საუბარი საემიგრაციო საკითხებში მომავალი თანამშრომლობის პერსპექტივების გარშემო წარიმართა. მხარეები ერთობლივი პროექტების შემუშავებასა და მათ განხორციელებაზე შეთანხმდნენ. საუბარი ასევე შეეხო ბელგიაში ქართული ემიგრაციის პრობლემებს და მათი გადაჭრის მზადყოფნა გამოითქვა.