აჭარის მთავრობის თავმჯდომარემ, არჩილ ხაბაძემ რეგიონის მინისტრთა კაბინეტთან პირველი სამუშაო შეხვედრა გამართა. მინისტრებთან ერთად შეხვედრას მათი ახლადდანიშნული მოადგილეებიც ესწრებოდნენ. მინისტრებმა მთავრობის თავმჯდომარეს თავიანთ სამინისტროებში ამ დროსთვის არსებული მდგომარეობა გააცნეს.
როგორც შეხვედრის დასრულების შემდეგ მთავრობის თავმჯდომარემ აღნიშნა, მინისტრებთან სამუშაო ხასიათის შეხედრა საკმაოდ ნაყოფიერი იყო. არჩილ ხაბაძის განცხადებით ამ დროისთვის რეგიონის მთავარი საფინანსო დოკუმენტის განხილვა უმაღლეს საბჭოში მიმდინარეობს და შემდგომი განხილვისთვის მთავრობას უახლოეს დღეებში გადაეგზავნება. ბიუჯეტის საბოლოო ვარიანტი კვირის ბოლოს იქნება მზად.
მთავრობის თავმჯდომარის განცხადებით, მინისტრებთან შეხვედრაზე განსაკუთრებული ყურადღება გამახვილდა სოფლის მეურნეობის სფეროში არსებული, კერძოდ ციტრუსისა და კარტოფილის რეალიზაციის პრობლემების მოგვარებაზე.