პრეზიდენტი სააკაშვილი სამხრეთ ოსეთის ხალხის წინააღმდეგ განხორციელებული გენოციდის გამო პასუხისგებაში უნდა მიეცეს. განცხადება ამის შესახებ ბელარუსის ლიბერალურ-დემოკრატიული პარტიის ლიდერმა ოლეგ გაიდუკევიჩმა ცხინვალის რეგიონიდან დაბრუნების შემდეგ გააკეთა.
ცხინვალის რეგიონში ვიზიტად მყოფი დელეგაცია ოს სეპარატისტთა ყოფილ ლიდერს ედუარდ კოკოითს და მათ ე.წ. მინისტრებსა და პარლამენტარებს შეხვდა. ბელორუსთა დელეგაციამ ცხინვალის რეგიონის თითქმის ყველა რაიონი მოინახულა.
"ჩვენ თითქმის ყველა რაიონი მოვინახულეთ - დასკვნა ერთია: ის რაც 2008 წელს ქართულმა ჯარმა გააკეთა ეს მშვიდობიანი ოსი ხალხის გენოციდია. პრეზიდენტმა სააკაშვილმა სამხრეთ ოსეთის ხალხის წინააღმდეგ განხორციელებული გენოციდის გამო პასუხი უნდა აგოს. ქართველი ხალხი ბრალში არაა, ბრალდებულია კონკრეტული პოლიტიკოსები და მათ პასუხი უნდა აგონ ", _ განაცხადა გაიდუკევიჩმა.
ამას გარდა, ლიბერალურ-დემოკრატიული პარტიის ლიდერი ასევე მიიჩნევს, რომ ბელარუსის ხელისუფლება აფხაზეთისა და ე.წ. სამხრეთ ოსეთის დამოუკიდებლობის აღიარების საკითხს უნდა დაუბრუნდეს.
"ჩვენ დავინახეთ, რომ სამხრეთ ოსეთის მოსახლეობას თვაად უნდა საკუთარი ბედის გადაწყვეტა და ის ამას გააკეთებს კიდეც. ჩვენ მათ ამ გადაწყვეტილებაში მხარს ვუჭერთ. მათ ძალიან უყვართ ბელორუსი ხალხი, კარგად არიან განწყობილნი ბელორუსის მიმართ და მზად არიან მოითბინონ აღიარების საკითხთან დაკავშირებით. ისინი არ ჩქარობენ, მათ ესმით, რომ ამასთან დაკავშირებით ჩვენ რაღაც ჩვენი კითხვები გვაქვს", _ აცხადებს გაიდუკევიჩი.