თავდაცვისა და უშიშროების კომიტეტის სხდომაზე საქართველოს პრეზიდენტის მიერ რატიფიცირებისთვის წარმოდგენილი დოკუმენტები განიხილეს.
"საქართველოს მთავრობასა და თურქეთის რესპუბლიკის მთავრობას შორის ლოგისტიკის დარგში განსახორციელებელი ოქმი", რომელიც კომიტეტს თავდაცვის სამინისტროს იურიდიული დეპარტამენტის უფროსის მოვალეობის შემსრულებელმა, თინათინ ბოლქვაძემ წარუდგინა, მარნეულის აეროპორტის მოდერნიზაციის პროექტების განსახორციელებლად თურქეთის რესპუბლიკის მხრიდან საქართველოსთვის სამხედრო აღჭურვილობით დახმარების გაწევას ითვალისწინებს.
