საქართველოს ფინანსთა სამინისტროს საგამოძიებო სამსახურის უფროსის მოადგილეები დაინიშნენ. საგამოძიებო სამსახურის უფროსის აპოლონ კაკაბაძის მოადგილეები გახდნენ გიორგი ახვლედიანი და ალექსანდრე ჯაფარიძე.
გიორგი ახვლედიანი მაღალი კვალიფიკაციის იურისტია. დამთავრებული აქვს თბილისის ივანე ჯავახიშვილის სახელობის სახელმწიფო უნივერსიტეტის და ჰუმანიტარული უნივერსიტეტების იურიდიული ფაკულტეტები. ასევე საქართველოს ტექნიკური უნივერსიტეტის მანქანათმშენებლობის ფაკულტეტი. წლების განმავლობაში მუშაობდა სხვადასხვა საპასუხისმგებლო თანამდებობებზე, იყო თბილისის ფინანსური პოლიციის სამმართველოს უფროსი, ფინანსთა სამინისტროს საგადასახადო დეპარტამენტის ოპერატიული სამსახურის ხელმძღვანელი. იუსტიციის სამინისტროს სასჯელაღსრულების დეპარტამენტის თავმჯდომარის მოადგილე. ფინანსთა სამინისტროს საგანგებო ლეგიონის უფროსის მოადგილე და თბილისის სამმართველოს უფროსი.
ალექსანდრე ჯაფარიძეს დამთავრებული აქვს საქართველოს სახელმწიფო აგრარული უნივერსიტეტის საერთაშორისო ეკონომიკური ურთიერთობების და ეკონომიკური ფაკულტეტები. ასევე ივანე ჯავახიშვილის სახელობის სახელმწიფო უნივერსიტეტის იურიდიული ფაკულტეტი. მინიჭებული აქვს ეკონომიკის მაგისტრის აკადემიური ხარისხი და საერთაშორისო ეკონომიკური ურთიერთიერთობების ეკონომისტ - მენეჯერის კვალიფიკაცია. გავლილი აქვს მართვის ევროპული სკოლის ESM მარკეტინგის სრული კურსი. სხვადასხვა წლებში მუშაობდა საპასუხისმგებლო თანამდებობებზე საქართველოს ფინანსთა სამინისტროში, საგადასახადო შემოსავლების სამინისტროს საგანგებო ლეგიონში და საგადასახადო დეპარტამენტში სხვადასხვა სამმართველოების უფროსად. აქვს საერთაშორისო საფინანსო ორგანიზაციებთაან მუშაობის გამოცდილება.
