დღეს, 4 ნოემბერს, სამინისტროები მომავალი წლის ბიუჯეტის პარამეტრების ვარიანტების შედგენას დაასრულებენ. როგორც საქართველოს ვიცე-პრემიერმა, ენერგეტიკისა და ბუნებრივი რესურსების მინისტრმა კახა კალაძემ განაცხადა, მთელი რიგი სამინისტროების ბიუჯეტებში თანხები არამიზნობრივად იხარჯებოდა და უწყებების ბიუჯეტები გაბერილი იყო.
კალაძე აცხადებს, რომ იგი მიესალმება სამინისტროების ბიუჯეტების შემცირებას, რაც შესაძლებელს გახდის გამოთავისუფლებული თანხები პრიტეტების მიხედვით გადანაწილდეს, რაც მნიშვნელოვნად შუწყობს ხელს ქვეყნაში არსებული მთელი რიგი პრობლემების გადაჭრას.
კალაძის განცხადებით, მისი უწყების ბიუჯეტი 9 მილიონ 900 ათასს შეადგენს.
"3-4 ნოემბერს ყველა სამინისტრომ უნდა წარმოადგინოს თავისი ბიუჯეტი და მოხდება განხილვა ვის რამდენით უნდა შეუმცირდეს", - განაცხადა კახა კალაძემ.
შეგახსნებთ, რომ საქართველოს პრემიერ მინისტრმა ბიძინა ივანიშვილმა საქართველოს პრეზიდენტისა და მისი ადმინისტრაციის ხარჯების შემცირების შესახებ უკვე განაცხადა. ასევე გადაიხედება დედაქალაქის მერიის ხარჯებიც.