საქართველოს პრეზიდენტსა და ამერიკის შეერთებული შტატების სახელმწიფო მდივან ჰილარი კლინტონს შორის სატელეფონო საუბარი შედგა.
პრეზიდენტის "ფეისბუქის" ოფიციალურ გვერდზე განთავსებული ინფორმაციის თანახმად, საუბრის მთავარი თემა ის პროგრესი იყო, რასაც საქართველომ ნატო-ში ინტეგრაციის გზაზე მიაღწია.
"ამავე სატელეფონო საუბრისას მხარეებმა იმსჯელეს დეკემბერში დაგეგმილ ნატო-ს საგარეო საქმეთა მინისტერიალზე",-აცხადებენ პრეზიდენტის ადმინისტრაციაში.
მინისტერიალის ფარგლებში დაგეგმილია საქართველოს ნატო-ში ინტეგრაციის პროცესში არსებული პროგრესის განხილვა, განსაკუთრებით საპარლამენტო არჩევნების დემოკრატიული ჩატარებისა და მთავრობის გადაბარების ფონზე.
