ენერგეტიკისა და ბუნებრივი რესურსების მინისტრმა კახა კალაძემ კომპანია „თელასის" გენერალურ დირექტორთან აშოტ მანუკინიანთან სამუშაო შეხვედრა დღეს გამართა.
შეხვედრაზე მინისტრმა „თელასის" ხელმძღვანელისგან სამსახურიდან გათავისუფლებული თანამშრომლების შესახებ ინფორმაცია და ის მიზეზები მოისმინა, რის გამოც რამდენიმე ათეული ადამიანი სამსახურიდან დაითხოვეს.
როგორც მინისტრმა აღნიშნა, მსგავსი სამუშაო შეხვედრები „თელასის" გენერალურ დირექტორთან მომავალ კვირაშიც გაიმართება. მისი თქმით, სამინისტრო თითოეული ადამიანის საქმეს ინდივიდუალურად განიხილავს და შესაბამის გადაწყვეტილებას მიიღებს.
