ზურაბ ტყემალაძე პარლამენტის მშენებლობასთან დაკავშირებით სამართლებრივი შესწავლის მიზნით დავით უსუფაშვილს მიმართავს, _აღნიშნულის შესახებ ჟურნალისტებთან დარგობრივი ეკონომიკისა და ეკონომიკური პოლიტიკის კომიტეტის ხელმძღვანელმა ზურაბ ტყემალაძემ პარლამენტის მშენებლობასთან დაკავშირებით გამართული შეხვედრის შემდეგ განაცხადა.
მისივე განცხადებით, საკანონმდებლო ორგანოს მშენებლობისთვის უკვე 360 მილიონი ლარია დახარჯული და მშენებლობის დასრულებისთვის დამატებით 20-30 მილიონია საჭირო. როგორც ტყემალაძემ ჟურნალისტებთან განაცხადა, ის საქმის სამართლებრივ შესწავლას მოითხოვს და ამ მიზნით პარლამენტის თავმჯდომარეს რეკომენდაციით მიმართავს.
,,პარლამენტის თავმჯდომარეს მივმართავ რეკომენდაციით, რადგან ეს საკითხი სამართლებრივ შესწავლას მოითხოვს და დასკვნა მხოლოდ ამის შემდეგ უნდა გავაკეთოთ", _ განაცხადა ტყემალაძემ, რომელმაც აღნიშნა, რომ მსგავსი ტიპის შეხვედრები გაგრძელდება
ტყემალაძის განცხადებით, საკანონმდებლო ორგანოს მშენებლობის პროცესს სახელმწიფო უზრუნველყოფის სამინისტრო ახორციელებდა. Mმისივე ინფორმაციით, წინასწარ არ იყო განსაზღვრული, თუ რა ტიპის სამუშაოები უნდა შეესრულებინა კომპანიას.
შეხვედრის დასრულების შემდეგ, მედიის წარმომადგენლებთან კომენტარი არ გაუკეთებიათ ეკონომიკური სამინისტროს წარმომადგენლებს, რომლებიც საკანონმდებლო ორგანოსთან დაკავშირებით გამართულ სხდომას ესწრებოდნენ.