"კომერსანტ-FM"-ის მიმომხილველი კონსტანტინე ეგგერტი მიიჩნევს, რომ თბილისს საქართველოს რუსეთ-საქართველოს ურთიერთობების დარეგულირების ნაცვლად, კაპიტულაცია ელოდება და საქართველოზე რეალურ გამარჯვებას კრემლს მხოლოდ რამდენიმე ნაბიჯი აშორებს.
"ახალ ქართულ კაბინეტში მოვიდა, რბილად რომ ვთქვათ - საინტერესო ხალხი. ისინი ერთი მხრივ აცხადებენ, რომ ქვეყანა ნატოსთან და ევროკავშირთან დაახლოების სტრატეგიულ კურსს შეინარჩუნებს და არავითარ შემთხვევაში არ აღიარებენ აფხაზეთსა და სამხრეთ ოსეთს. თან ამასთან ერთად, ისინი დარწმუნებულნი არიან, რომ მოსკოვთან ურთიერთობების ნორმალიზებას შეძლებენ.
მინისტრი ზაქარეიშვილი აფხაზეთის გავლით რუსეთთან სარკინიგზო კავშირის აღდგენაზე საუბრობს, მაგრამ ეს ხომ მხოლოდ იმ პირობებშია შესაძლებელი თუ აფხაზები თავის ფორმალურ სუვერენიტეტზე უარს იტყვიან. იმიტომ, რომ სინამდვილეში აფხაზეთი ხომ რუსეთის პროტექტორატია. ეს არარეალურია, იმიტომაც, რომ მაშინ თავის მოცილებულ ტერიტორიებზე უფლებების განხორციელებაზე უარი ქართველებმა უნდა განაცხადონ. ისინი იძულებულნი იქნებიან გზად სოჭში თავისი პასპორტები აფხაზ (უფრო სწორედ კი რუს) მესაზღვერეებს მისცენ. ეს კი ჯერჯერობით ნაკლებად შესაძლებელია, თუმცა მხოლოდ ჯერჯერობით',_ წერს კონსტანტინე ეგგერტი.
მისივე აზრით, პრემიერ ივანიშვილს ვლადიმერ პუტინისათვის ჯერ მიხეილ სააკაშვილის თავის მირთმევა სურს - რა თქმა უნდა, გადატანითი მნიშვნელობით. ამის სანაცვლოდ კი მას მოსკოვიდან რაღაცის მიღება სურს.
"საქართველოს პრეზიდენტის მოცილება ან იმპიჩმენტის პროცედურით შეიძლება ან უნდა დაელოდო თუ როდის ამოეწურება მას ოფიციალურად საპრეზიდენტო ვადა. საპარლამენტო კომისია, რომელიც იმის გამოსაძიელბად შეიქმნა, რასაც ახლა თითქმის ოფიციალურად ეწოდება "სააკაშვილის რეჟიმის დანაშაულებები" ეწოდება ეს ესაა მუშაობას შეუდგება.
2008 წლის ომის შემდეგ ყველა ბანქო კრემლის ხელშია. სააკაშვილი ამას კარგად ხვდებოდა და ამიტომაც ვერ ბედავდა თამაშს რუსეთის ლიდერებთან. ფუჭია ასევე დარეგულირების შესახებ ჟენევის მოლაპარაკებები და ეს ყველა იმთავითვე კარგად იცოდა, რომ ეს პოლიტიკურად კორექტული ფიქცია იყო", _ წერს მიმომხილველი და აღნიშნავს, რომ მისი აზრით, სააკაშვილისა და მისი გუნდის ბედის გაცვლას ივანიშვილი რუსეთში "ქინძმარაულისა" და "ბორჯომის" დაბრუნებაზე შეძლებს გაცვლას, მაგრამ მერე უკვე მისგან მოითხოვენ მინიმუმ - ნატოში ინტეგრაციის გეგმებზე უარის თქმას და მაქსიმუმ აფხაზეთისა და ე.წ. სამხრეთ ოსეთის ფაქტიულ თუ არა იურიდიულ აღიარებას.
"აი, მაგალითად, ხომ ჰყავს საბერძნეთს, რომელმაც ოფიციალურად კოსოვო არ აღიარა, სავსებით სრულუფლებიანი ელჩი ბრიშტინაში. უბრალოდ მას "ელჩი" არ ჰქვია. თქვენ იტყვით, რომ ამან შესაძლოა ქართული საზოგადოება გახლიჩოს? შესაძლოა, მაგრამ არასტაბილურობა საქართველოში არასოდეს აშინებდა მოსკოვს. ასე უფრო იოლია სიტუაციის კონტროლი. ზოგადად კი კრემლს ახლა საქართველოზე რეალურ გამარჯვებას სულ რამდენიმე ნაბიჯი აცილებს", _ წერს კონსტანტინე ეგგერტი.