სახელმწიფო დაცვის სპეციალურ სამსახურის დამატებითი ფუნქციებით აჭურვის გამო ახალი კადრების დამატება უწევს.
პრეზიდენტის №1004 ბრძანებულების თანახმად ახალი საშტატო ერთეულები და მათი ხელფასების მოცულობა უკვე ოფიციალურად განისაზღვრა.
როგორც ცნობილია, სახელმწიფო დაცვის სპეციალურ სამსახურს, თბილისის საერთაშორისო აეროპორტის სამთავრობო დარბაზით მოსარგებლე მგზავრებისთვის შესაბამისი სერვისის ფუნქციონირების უზრუნველყოფა დაევალა.
შესაბამისად დაცვის სამსახურს დაემატა „განყოფილების უფროსის (აეროპორტის სამთავრობო ტერმინალის) თანამდებობა, რომლის ხელფასიც 1300 ლარით განისაზღვრა. ასევე დაემატა ადმინისტრატორის (ხელფასი 855 ლარი), მორიგე-ოპერატორის (ხელფასი 810 ლარი), ექსპედიტორის (ხელფასი 700 ლარი) და ელექტრომექანიკოსის (ხელფასი 655 ლარი) თანამდებობები.
შეგახსენებთ, რომ დღემდე სახელმწიფო დაცვის სპეციალურ სამსახური აეროპორტში სამთავრობო დარბაზის პირველ და მეორე სალონებსა და გასასვლელებში წესრიგისა და დასაცავი პირების უსაფრთხოების უზრუნველყოფდა.