ფინანსთა მინისტრი სახელმწიფო ბიუჯეტიდან გაწეულ არამიზნობრივ ხარჯებზე საუბრობს. მინისტრის თქმით, არამიზნობრივი ხარჯები გაწეულია, როგორც ცენტრალური ასევე ადგილობრივი ბიუჯეტებიდან. ფინანსთა მინისტრის განმარტებით, არამიზნობრივ ხარჯებთან დაკავშირებით გადაეგზავრება, როგორც პროკურატურას, და ასევე არ გამოირიცხება, რომ საქმეში ფინანსთა სამინისტროს საგამოძიებო დეპარტამენტიც ჩაერთოს. არ არის გამორიცხული ასევე, რომ ფინანსტა სამინისტროში აღნიშნული საკითხის შესასწავლად ალტერნატიული აუდიტის მოწვევას გახდეს შესაძლებელი.
„მინდა გითხრათ, რომ არამარტო მიზნობრიობაა ეჭვქვეშ, არამედ რეალური ღირებულება იმ შესრულებული სამუშაოსიც, რაზეც გადარიცხვებია გაკეთებული. ასეთ პროექტებს შორის ბევრია ინფრასტრუქტურული პროექტი, მათ შორისაა არ დაგიმალავთ და პარლამენტის შენობა, რომელიც 340 მლნ ლარზე მეტი დაჯდა. შენობა სამუშაოდ პრაქტიკულად გამოუსადეგარია, ერთადერთი რაც იქ კარგია ეს არის დარბაზი", - განაცხადა ფინანსთა მინისტრმა.
ხადურის განმარტებით, პარლამენტის შენობაში აპარატის მუშაობა წარმოუდგენელია, რადგანაც „უკაცრავად და ადამიანებს ბამბები ყურში, ისეთი ხმაურია კონდენცირების სისტემის".
„შესაბამისად უნდა მოხდეს შესწავლა რეალურად თუ რა დაჯდა ეს შენობა, რატომ არის ასე უხარისხო, როდესაც ამდენი ფულია გადახდილი. იმაზე აღარაფერს ვამბობ, რომ წყალი ჩადის შენობაში არამარტო წვიმის დროს არამედ ნამის დროსაც", - განაცხადა ხადურმა.
ფინანსთა მინისტრის განმარტებით, ანალოგიურად უხარისხოდაა აშენებული და არამიზნობრივადაა თანხები დახარჯული სხვა პროექტებში,
„მაგალითად, რატომ უნდა აეშენებინა სახელმწიფო ბიუჯეტს ანაკლიაში კაფე?! და ამაში უნდა გადაეხადა 2 მლნ ლარი?! ასეთი ამხებია ძალიან ბევრი. მე ვთხოვე ჩემს თანამშრომლებს და მომაწოდეს ინფორმაცია, დაახლოებით 1 მლრდ ლარია ბოლო 3 წლის განმავლობაში ასეთი ტიპის ხარჯი გაწეული. ყველა კაფე არ არის, მაგრამ არც ნაკლები მინდა გითხრათ", - განმარტავს ხადური.
