დღეს, 31 ოქტომბერს, 15:00 საათზე, ჰოლანდიური პროგრამების (რომელიც ხორციელდება ჰოლანდიის საელჩოს ინიციატივით და მხარდაჭერით) და საქართველოს ტექნოლოგიური გადაცემის ცენტრის ინოვაციების კონკურსის პრეზენტაცია გაიმართება.
პრეზენტაცია საქართველოს მცირე და საშუალო საწარმოთა ასოციაციის ოფისში გაიმართება. როგორც ასოციაციაში განმარტავენ, ჰოლანდიური პროგრამები გათვლილია მცირე და საშუალო ზომის ბიზნესებისთვის, რომლებიც დაინტერესებულნი არიან ევროპელი პარტნიორების მოძიებით. პროგრამა, ასევე, ითვალისწინებს ერთობლივი საწარმოების გრანტის სახით დაფინანსებას. პროექტის მაქსიმალური ზღვარია 1,5 მილიონი ევრო. აქედან ნახევარი გრანტი (750 000 ევრო) და მეორე ნახევარი პარტნიორებს შორის იყოფა. ბიზნესის სფერო შეიძლება იყოს: სოფლის მეურნეობა, ნებისმიერი წარმოება, ტურიზმი და ა.შ.
საქართველოს ტექნოლოგიური გადაცემის ცენტრის ინოვაციების კონკურსი ითვალისწინებს კონკურსში გამარჯვებული 5 კომპანიიდან თითოეულისთვის დაფინანსებას მაქსიმუმ 20 000 ლარის ფარგლებში და უსასყიდლო საექსპერტო მხარდაჭერას საქართველოს ტექნოლიგიური ცენტრისგან. ბიზნესის სფერო: სოფლის მეურნეობა და საკვების გადამუშავება, წარმოება, შეფუთვა, ლოჯისტიკა, მშენებლობა, ტურიზმი.
