საქართველოს პრემიერ-მინისტრი ბიძინა ივანიშვილი სახელმწიფო კანცელარიაში შეხვედრებს მართავს. როგორც ჟურნალისტებთან ივანიშვილმა განაცხადა, მას დღის განმავლობაში დაგეგმილი აქვს შეხვედრა რამდენიმე მინისტრთან. ამასთან დაგეგმილია შეხვედრა აშშ-ის ელჩთან.
"10:00 საათზე ვხვდები დავით საგანელიძეს, 11:00 საათზე მაია ფანჯიკიძეს, 11:30 დავით კირვალიძეს, 12:00 საათზე ალასანიას, 13:00 საათზე ამერიკის ელჩს მოლოცვა მოვიდა ამერიკიდან და მის გადმოცემას აპირებს. 15:00 საათზე გვაქვს მთავრობის სხდომა და შემდგომ საღამომდე ვიმუშავებთ", -განაცხადა ივანიშვილმა, რომელმაც აღნიშნა, რომ მიმდინარე კვირაში ყველა სამინისტროს ფორმირება და დაკომპლექტება უნდა დასრულდეს.
შეგახსენებთ, რომ პრემიერის რანგში ბიძინა ივანიშვილი კანცელარიაში პირველად მივიდა.
