,,დიმიტრი შაშკინის გადაწყვეტილება უპასუხისმგებლო, მხდალი ადამიანს გადაწყვეტილებაა", _ განაცხადა ჟურნალისტებთან პარლამენტის თავდაცვისა და უშიშროების კომიტეტის თავმჯდომარემ ირაკლი სესიაშვილმა თავდაცვის ყოფილი მინისტრის გადაწყვეტილების კომენტირებისას.
,,ერთი შეხედვით ეს არის უპასუხისმგებლო ქმედება. მით უმეტეს თავდაცვის მინისტრი, როცა ტოვებს პოსტს და გარბის სადღაც, ქვეყნის ფარგლებს გარეთ აბსოლუტურად მიუღებელი და არასერიოზულია. თავდაცვის მინისტრი უნდა იყოს მთელი რიგი პასუხისმგებლობით აღჭურვილი. რისთვის, რატომ წავიდა ამას ალბათ შესაბამისი ორგანოები გაარკვევენ, თუმცა პოლიტიკურად ეს არის მხდალი ადამიანის გადაწყვეტილება", _ განაცხადა ჟურნალისტებთან პარლამენტის თავდაცვისა და უშიშროების კომიტეტის თავმჯდომარემ ირაკლი სესიაშვილმა.
შეგახსენებთ, რომ ყოფილმა თავდაცვის მინისტრმა დიმიტრი შაშკინმა მიმართვა გაავრცელა, სადაც შაშკინი ყოფილ კოლეგებს, თანამშრომლობისთვის მადლობას უხდის და აცხადებს, რომ კანონს ყოველთვის იცავდა და დაკისრებულ მოვალეობას პასუხისმგებლობით ეკიდებოდა.