,,შესაბამისი მტკიცებულებების გარეშე ადამიანების ანგარიშსწორება და დევნა არ უნდა განხორციელდეს", _ განაცხადა ჟურნალისტებთან ,,ნაციონალური მოძრაობის" ერთ-ერთმა ლიდერმა გიგი წერეთელმა დიმიტრი შაშკინის განცხადების კომენტირებისას.
მისივე განცხადებით, თავდაცვის ყოფილი მინისტრის განცხადებას არ გაცნობია და ამის შესახებ ჟურნალისტებისგან შეიტყო.
,,მოვლენების როცა ასეთი განვითარება ხდება საკმაოდ ხშირია ხოლმე ცნობა ამა, თუ იმ თანამდებობის პირზე. Bბევრი ალბათ, გაღიზიანებულია, ნაწყენი. თუმცა ვფიქრობ, რომ ნებისმიერ ადამიანზე, თუ არ იქნება რაიმე მტკიცებულება და სამართლიანი საფუძველი არავითარი შეტევა არ უნდა განხორციელდეს მითუმეტეს, ანგარიშსწორება, პოლიტიკური დევნა და ასე შემდეგ", _განაცხადა წერეთელმა.
შეგახსენებთ, რომ ყოფილმა თავდაცვის მინისტრმა დიმიტრი შაშკინმა მიმართვა გაავრცელა, სადაც შაშკინი ყოფილ კოლეგებს, თანამშრომლობისთვის მადლობას უხდის და აცხადებს, რომ კანონს ყოველთვის იცავდა და დაკისრებულ მოვალეობას პასუხისმგებლობით ეკიდებოდა.