"გუბერნატორის ინსტიტუტის ამ ფორმას ბევრი მანკიერი თვისებები აქვს", _ ამის შეახებ ,,ჯი-ეიჩ-ენთან" საუბარში პარლამენტის ვიცე-სპიკერის კანდიდატმა მანანა კობახიძემ განაცხადა.
როგორც კობახიძემ განმარტა, პრეზიდენტის ინიციატივა, რომელიც გუბერნატორებისა და ყველა მერის არჩევას ითვალიწინეს, ამ დრომდე ,,ქართულ ოცნებაში" განხილვის საგანი არ ყოფილა. როგორც კობახიძე აცხადებს, ჯერ უნდა გადაიხედოს თუ რამდენად საჭიროა ამ ფორმით გუბერნატორის ინსტიტუტის შენარჩუნება.
"საერთოდ გუბერნატორების თემა განსახილველია თუ რამდენად საჭიროა, რომ ეს ინსტიტუტი არსებული ფორმით შენარჩუნდეს და, საერთოდ, უნდა იყოს თუ არა. ინიციატივა კიდევ სხვა საკითხია და ეს პრეზიდენტის მოსაზრებაა და ამას საკანონმდებლო ცვლილებები ესაჭიროება. Aასეთი საკითხი უმრავლესობაში არ განხილულა და ვფიქრობთ, რომ გუბერნატორების არსებული ფორმით მუშაობა უნდა შეიცვალოს", - განაცხადა ,,ჯი-ეიჩ-ენთან" საუბარში კობახიძემ.
შეგახსენებთ, რომ პრეზიდენტმა მე-8 მოწვევის პარლამენტში პირველ სხდომაზე სიტყვით გამოსვლისას დეპუტატებს შესთავაზა, რომ პირდაპირი არჩევის წესი თბილისის მერის მსგავსად სხვა მერებსა და გამგებლებზეც გავრცელდეს და ასევე პირდაპირი წესით აირჩეს ყველა გუბერნატორი. მისი თქმით, ეს გადამწყვეტი იქნება დემოკრატიული ინსტიტუტების კიდევ უფრო გაღმავების პროცესში. "დეცენტრალიზაცია არის არა მარტო სასიცოცხლო დემოკრატიული პრინციპი, არამედ ჩვენი ინსტიტუტების განვითარების ყველაზე ეფექტური ინსტრუმენტი და მათი მდგრადი ფუნქციონირების საუკეთესო გზა", - განაცხადა პრეზიდენტმა.
