გუშინდელი ოპოზიცია დღეს მთავრობაშია, ხოლო ის, ვინც დღეს ოპოზიციაშია, ხვალ, შესაძლოა, ისევ ხელისუფლებაში მოვიდეს., - ამის შესახებ საქართველოს პრეზიდენტმა, მიხეილ სააკაშვილმა, ქუთაისში ახალი მოწვევის პარლამენტის პირველ სხდომაზე სიტყვით გამოსვლისას განაცხადა.
მისი თქმით, ყველამ პატივი უნდა სცეს საქართველოს ინსტიტუტებს, პატივი უნდა სცეს ჩვენს კონსტიტუციას და პატივი უნდა სცეს საკუთარ ოპონენტებს.
"გუშინდელი ოპოზიცია დღეს მთავრობაშია, ხოლო ის, ვინც დღეს ოპოზიციაშია, ხვალ, შესაძლოა, ისევ ხელისუფლებაში მოვიდეს.
ყოველივე ეს არის ის, რაც ჩვენ ყველამ უნდა ვაღიაროთ. თითოეულმა ჩვენგანმა ძალიან ბევრი უნდა იმუშაოს საკუთარ თავზე - ჩვენ ვართ არა მტრები, არამედ ერთმანეთის პოლიტიკური მეტოქეები.
ეს კამპანია რთული, უხამსი და გესლიანი იყო, მაგრამ ახლა თქვენ მთელ ერს წარმოადგენთ და არა მის ნაწილს - მთელ ერს, მთელ მრავალეთნიკურ ქართულ საზოგადოებას", - განაცხადა სააკაშვილმა.