დღეს, 21 ოქტომბერს, მე-8 მოწვევის პარლამენტი შეიკრიბება და პირველ სხდომას გამართავს. პირველივე სხდომაზე მოხდება დეპუტატთა უფლებამოსილების ცნობა და ფარული კენჭისყრის შედეგად მოხდება პარლამენტის თავმჯდომარისა და ვიცე-სპიკერების არჩევეა.
დღის წესრიგში დგას კომიტეტების თავმჯდომარეების არჩევის საკითხიც. როგორც ცნობილია, ახალ პარლამენტში კოალიცია "ქართულ ოცნებას" 85 დეპტატი ჰყავს, ხოლო "ნაციონალურ მოძრაობა" 65 წევრითაა წარმოდეგენილი. საპარლამენტო უმცირესობა სამი ფრაქციის შექმნას გეგმავს, რაც შეეხება უმრავლესობას - კოალიციას ოთხი ფრაქცია ეყოლება.
პარლამენტის სხდომას თავმჯდომარის არჩევამდე, უხუცესი დეპუტატი, უმცირესობის წარმომადგენელი ივანე კიღურაძე წარუძღვება. პარლამენტის პირველ სხდომას დაესწრებიან პრეზიდენტი, პრემიერობის კანდიდატი ბიძინა ივანიშვილი და საქართველოს პატრიარქი ილია მეორე. საქართველოს პრეზიდენტი მიხეილ სააკაშვილი დეპუტატებს სიტყვითაც მმართავს.
