სოჭის ოლიმპიადაში საქართველოს მონაწილეობა ჩვენი ქვეყნის ტერიტორიული მთლიანობის აღდგენის საკითხს წაადგება, _ განაცხადა ჟურნალისტებთან ევროატლანტიკურ სტრუქტურებში ინტეგრაციის საკითხებში სახელმწიფო მინისტრობის კანდიდტმა ალექსი პეტრიაშვილმა.
"დარწმუნებული ვარ, სოჭის ოლიმპიადაში საქართველოს მონაწილეობა ჩვენი ქვეყნის ტერიტორიული მთლიანობის აღდგენის საკითხს წაადგება. ყოფილი ხელისუფლების მხრიდან გამუდმებით ისმოდა მინიშნება, რომ სოჭში ოლიმპიადის დროს შეიძლება, ყველაფერი მოხდეს, ასეთი ტიპის პოლიტიკის წარმოება უნდა დასრულდეს და საქმეზე უნდა გადავიდეთ. უნდა ვიაროთ სახალხო დიპლომატიის, კულტურული თუ ეკონომიკური პროექტების განხორციელების გზით", - განაცხადა პეტრიაშვილმა.
შეგახსენებთ, რომ "ქართული ოცნების" ლიდერის ბიძინა ივანიშვილის განცახდებით, საქართველომ სოჭის ოლიმპიადაში მონაწილეობა უნდა მიიღოს.
