საქართველოს პრეზიდენტმა მიხელ სააკაშვილმა პრემიერის პოსტზე ბიძინა ივანიშვილი წარადგინა, _ აღნიშნულის შესახებ ჟურნალისტებთან პრეზიდენტის პრესსპიკერმა მანანა მანჯგალაძემ განაცხადა.
,,საქართველოს კონსტიტუციის მეოთხხმოცე მუხლის მეორე პუნქტის შესაბამისად პრემიერ-მინისტრის კანდიდატურად შერჩეულ იქნა პირველ ოქტომბერს გამართულ საპარლამენტო არჩევნებში გამარჯვებული კოალიციის ,,ქართული ოცნების" ლიდერი ბიძინა ივანიშვილი", _ განაცხადა მანჯგალაძემ
მისივე განცხადებით, ბიძინა ივანიშვილს ათდღიანი ვადა აქვს მთავრობის ახალი შემადგენლობის წარსადგენად.
შეგახსენებთ, რომ საპარლამენტო არჩევნების შემდეგ ბიძინა ივანიშვილმა პრემიერ-მინისტრის პოსტზე ივანე მერაბიშვილის შეცვალა. ამასთან ,,ვარდების რევოლუციის" შემდეგ, ბიძინა ივანიშვილი ქვეყნის მეშვიდე პრემიერ-მინისტრია.
