ხშირად ახერხებს ხელისუფლება შეცდომაში შეიყვანოს საზოგადოება და ხშირად ახერხებს ღირსეული წარსულის მქონე კანდიდატების წამოყენებას საკუთარი მხრიდან, - ამის შესახებ კოალიცია "ქართული ოცნების" ლიდერმა ბიძინა ივანიშვილმა ახალციხეში გამართულ აქციაზე სიტყვით გამოსვლისას განაცხადა. ივანიშვილმა აქციაზე შეკრებილებს პირველ ოქტომბერს არჩევნებში მონაწილეობისა და "ქართული ონების" სასარგებლოდ ხმის მიცემისკენ მოუწოდა.
"არ შეგეშალოთ ხალხო, არ გაითვალისწინოთ არავითარი წარსული იმ ხალხის, ვინც ნაციონალურ მოძრაობას წარმოადგენს. თქვენ კარგად უნდა გაიგოთ, რომ ის ნაციონალური მოძრაობის დამქაშია და ამ მოძალადე ხელისუფლებას და ამ ცრუ ხელისუფლებას უჭერს მხარს და არაფერი არ შეგეშალოთ. დასკვნა უნდა გააკეთოთ და არჩევანი გააკეთოთ არა ნაციონალური მოძრაობის, არამედ, ქართული ოცნების კადიდატზე", - განაცხადა ივანიშვილმა.
