მისი ინფორმაციით, 1 აგვისტოდან სოფლის მეურნეობის სამინისტროს სურსათის ეროვნულმა სააგენტომ ცხოველთა განსაკუთრებით საშიში დაავადების - თურქულის პროფილაქტიკური ვაქცინაცია დაიწყო. მთელი ქვეყნის მასშტაბით დაგეგმილია 922,330 სული მსხვილფეხა პირუტყვის აცრა. ამ ეტაპზე აცრილია 58,066 სული ცხოველი.
პროფილაქტიკური ღონისძიება მსხვილფეხა რქოსანი პირუტყვის უფასო ვაქცინაციის სახელმწიფო პროგრამის ფარგლებში მიმდინარეობს. აღნიშნული პროგრამის ფარგლებში 1 სექტემბრიდან დაიწყება ადამიანისა და ცხოველის საერთო, განსაკუთრებით საშიში დაავადების - ჯილეხის პროფილაქტიკური ვაქცინაცია დაავადების ისტორიულად დაფიქსირებულ კერებში.
ვაქცინაციის სახელმწიფო პროგრამის ფარგლებში დასაქმდება 672 კერძო ვეტერინარი.
ვაქცინაციის თანამდევი პროცესია ცხოველთა იდენტიფიკაცია. საქონელს ყურზე უკეთდება სპეციალური სანომრე ნიშანი (საყურე) და ენიჭება უნიკალური ნომერი. აცრების დასრულების შემდეგ ვაქცინირებული ცხოველის შესახებ ზუსტი მონაცემები სააგენტოს ელექტრონულ სისტემაში აისახება.

ცხოველი იცრება მაღალი ხარისხის ფრანგული წარმოების ვაქცინით, რომელიც უსაფრთხოა ცხოველის ჯანმრთელობისთვის. ასევე უსაფრთხოა ცხოველისგან წარმოებული პროდუქციაც (რძე, ხორცი)