დღეს, 27 ივლისს, 12:00 საათზე, ბაგრატის ტაძრისთვის საგანგებოდ შექმნილი ჯვრის კურთხევა გაიმართება.
ნაკურთხ და დალოცვილ ჯვარს რესტავრატორები გუმბათზე აღმართავენ.
300 კილოგრამის, 2 მეტრისა და 14 სმ-ის ბრინჯაოს ჯვარი, არქიტექტორ-რესტავრატორ ვანო გრემელაშვილის ნახაზით დამუშავდა და შეიქმნა.
ტექნიკური სამუშაობის გათვალისწინებით, ნაკურთხი ჯვრის გუმბათზე დაბრძანებას რამდენიმე დღე დასჭირდება და ქუთაისის ყველა ცენტრალური წერტილიდან შესამჩნევი გახდება.
მე-17 საუკუნეში დაქცეული ტაძრისა და მისი გუმბათის აღდგენითი სამუშაობი ბოლო ფაზაში შედის.
ბაგრატის ტაძრის სარეაბილიტაციო სამუშაობის მიმდინარეობას მოინახულებენ და ჯვრის კურთხევის პროცესსა დაესწრება კულტურისა და ძეგლთა დაცვის მინისტრი ნიკლოზ რურუა, საქართველოს კულტურული მემკვიდრეობის დაცვის ეროვნული სააგენტოს გენერალური დირექტორი ნიკოლოზ ვაჩეიშვილი, მეუფე ამბა ალავერდელი მიტროპოლიტი დავითი და საპატრიარქოს წარმომადგენლები.
