ავჭალის დასახლებაში ახალი სამაცივრე კომპლექსი გაიხსნა, რომელიც ქვეყნის პრემიერ-მინისტრმა ვანო მერაბიშვილმა მოინახულა. სამაცივრე კომპლექსს, შესაძლებლობა აქვს 8 ათასი ტონა ხილი და ბოსტნეული შეინახოს. მაცივარი 7 ათას 300 კვადრატულ მეტრზეა განთავსებული, მოიცავს 35-მდე კამერა მაცივარს.
"ზაფხულში, როდესაც მასობრივად ხდება მოსავლის აღება ძალიან იაფია და გლეხები ზარალდებიან. ზამთარში კი, როცა გლეხებს აღარ აქვთ პროდუქტი ძალიან ზარალდებიან ჩვენი მოქალაქეები. ამიტომ ჩვენ რამდენიმე წელია დავიწყეთ და უნდა გავაკეთოთ ასეთი შესანახი მეურნეობები. ჩვენ ხელს შევუწყობთ ასეთ საწარმოებს, რათა ჭარბი პროდუქცია გავიტანოთ უცხოეთში." - განაცხადა მერაბიშვილმა.
სამაცივრე კომპლექსში, პროდუქტი ინახება 2 თვიდან ერთ წლამდე. მთავარ მიზანი, რისთვისაც სამაცივრე კომპლექსები კეთდება, არის ზამთრის პერიოდში იმპორტის ჩანაცვლება ადგილობრივი პროდუქციით.
ხილს და ბოსტნეულს საქართველოს სხვადასხვა რეგიონში შეიძენენ და ზამთრისთვის შეინახავენ. საქართველოში ამ ეტაპზე 40 ათასი ტონის ტევადობის სამაცივრე მეურნეობაა. იგეგმება დამატებით 500 საწარმოს შექმნა.
