მსოფლიოს უმდიდრესი ადამიანები, 2010 წლის მონაცემებით, სხვადასხვა ოფშორულ ზონებში 21 ტრილიონ აშშ დოლარზე მეტს ინახავდნენ. ამის შესახებ ნათქვამია Tax Justice Network-ის კვლევაში, რომელიც გადასახადების დამალვის წინააღმდეგ იბრძვის.
ეს ციფრი იაპონიიისა და აშშ-ის მთლიანი შიდა პროდუქტის ტოლია, აცხადებს ექსპერტი ჯეიმს ჰენრი.
ჰენრი მიიჩნეევს, რომ მონაცმები უკვე "დაძველებულია" და ამჟამად ოფშორში არსებული თანხა, სავარაუდოდ, 32 ტრილიონი აშშ დოლარი იქნება.
ზოგიერთი ექსპერტი ეჭვის ქვეშ აყენებს ჰენრის დასკვნებს და მას გადაჭარბებულად მიიჩნევს.
"ცხადია, რომ რაღაც თანხები სადღაც გადამალულია, მაგრამ რა უნდა მოუხერხო ფულის ამ რაოდენობას?", - კითხულობს დიდი ბრიტანეთის მთავრობის მრჩეველი საგადასახადო საკითხებში ჯონ უაიტინგი.
უნდა აღინიშნოს, რომ ჰენრი კვლევისას ითვალისწინებდა მხოლოდ ფულად მასას და არა სხვა აქტივებს - სახლეებს, იახტებს და სხვა უძრავ ქონებას. მან კვლევისას გამოიყენა ბაზელის საერთაშორისო ბანკის, საერთაშორისო სავალუტო ფონდის, მსოფლიო ბანკისა და სხვადასხვა ქვეყნების მთავრობების მონაცემები.
გადასახადების დამალვის პრობლემამ განვითარებულ ქვეყნებში ახალი სიმწვავე მას შემდეგ შეიძინა, რაც მათ ფისკალური არამდგრადობა გაუჩნდათ.
გერმანიის ხელისუფლებამ ჯილდოც კი დააწესა ინფორმაციითვის, გადასახადების დამალვის შესახებ.
Tax Justice Network (გადასახადის სამართლიანობის ქსელი) ოფშორული ზონების ლიკვიდაციის ინიციატივით გამოდის.
"გადაუხდელი გადასახადები იმ მოცულობისაა, რომ შესაძლებელი იქნებოდა რამდენიმე ქვეყნის ფინანსური მდგომარეობის გამოსწიორება", - აცხადებს ჰენრი.
მისივე თქმით, 1970 წლებიდან 2010 წლამდე მხოლოდ 139 განვითარებადი ქვეყნის მოქალაქეებმა ოფშორში 7,3 ტრილიონიდან 9,3 ტრილიონ დოლარაამდე გაიტანეს.
