„ტრადიციულად კახურ ოჯახში ყოველთვის იყო ღვინო და ჩვენი სახელმწიფო კომპანია რომელიც იბარებდა ყურძენს, ვფიქრობთ, რომ გამოვნახოთ საშუალება და ხალხს მინიმალური რაოდენობის ღვინო მაინც დავურიგოთ, ახალ წელს რომ დალოცონ საკუთარი ოჯახი და ერთი ჭიქა აწიონ", - განაცხადა პრემიერ - მინისტრმა ვანო მერაბიშვილმა.
მისივე თქმით, ღვინის დარიგება სავარაუდოდ სექტემბერში დაიწყება. „ეს იმდენი ვერ იქნება, რამდენსაც თქვენ წურავდით ხოლმე, მაგრამ ყველა დაზარალებული, ვისაც საერთოდ გაუნადგურდა ყურძენი, გარკვეული რაოდენობის ღვინოს სახელმწიფო კომპანიიდან მიიღებს", - აღნიშნა მერაბიშვილმა.
19 ივლისს, ძლიერი სტიქიის შედეგად კახეთში რამდენიმე ათასი ოჯახი დაზარალდა. თელავის, გურჯაანის, ყვარლის და ლაგოდეხის 30-მდე სოფელში მთლიანად განადგურდა მოსავალი. ქარიშხალმა საცხოვრებელ სახლებს სახურავები გადახადა, რის გამოც სახლებშიც იწე წვიმდა როგორც გარეთ. მოსახლეობას მომარაგებული სურსათი გაუფუჭდა