ქრისტიან დემოკრატები მთელი დღის განმავლობაში კახეთის რეგიონში არსებულ მძიმე მდგომარეობის შესწავლის მიზნით, გურჯაანში, თელავისა და ლაგოდეხში იმყოფებოდნენ და დაზარალაბულთა მდგომარეობას ადგილზე ეცნობოდნენ.
ლევან ვეფხვაძის შეფასებით ზარალი, რომელიც მიადგა მოსახლეობას არაფრით ჩამოუვარდება იმ ზარალს , რომელიც გორში დაზარალებულ მოსახლეობას მიადგა 2008 წლის ომის შედეგად.
კახელი გლეხები, კერძოდ მევენახეები სამი წლის განმავლობაში ვერ მიიღებენ მოსავალს რადგან სტიქიამ მათი ვენახები აბსოლუტურად გაანადგურა,რის გამოც მათ ვაზის გადაჭრა მოუწევთ. Aახალი ვაზის გაზრდას კი, რომელიც პირველ ნაყოფს გამოიღებს ესაჭიროება როგორც მინიმუმ სამის წელი.
"საცხოვრებელი სახლები რიგ შემთხვევებში მთლიან რეაბილიტაციას საჭიროებს."- Gგანაცხადა ვეფხვაძემ და დასძინა რომ ხელისუფლების მიერ მოსახლეობისათვის შეთავაზებული 1500 ლარი ვერ აანაზღაურებს გლეხების იმ სააჭიროებებსა და მოთხოვნებს რის წინაშეც დღეს ისინი აღმოჩდნენ.
"ქრისტიან-დემოკრატების" განცხადებით სულ დაზარალებულ 1500 ოჯახიდან კონპენსაციის სახით თითოეულმა უდნა მიიღოს 10 ათასი ლარი, რაც სახელმწიფო ბიუჯეტს Aმთლიანობაში 15 მილიონი ლარი დაუჯდება.
"ადამიანებმა რომლებმაც დაკარგეს პერპექტივა უახლოესი სამი წლის განმავლობაში მიიღონ მოსავალი, სამარცხვინოა სახელმწიფოს მხრიდან მათთვის მხოლოდ ერთჯერადი 1500 ლარიანი კონპენსაციის მიცემა, მაშინ როდესაც ზარალი ბევრად უფრო დიდია. მიგვაჩნია რომ ხელისუფლების პოლიტიკა არაადეკვატურია მიმდინარე მოვლენების მიმართ და ვერ უზრუნველყოფს დაზარალებული მოსახლეობის სრულყოფილ დახმარებას" განაცხადა ლევან ვეფხვაძემ
