საქართველოს საგარეო საქმეთა მინისტრის, გრიგოლ ვაშაძის იაპონიაში ვიზიტის ფარგლებში, გაიმართა სამუშაო სადილი იაპონიის პარლამენტის კაბინეტის კომიტეტის წევრთან, ჰიროფუმი ნაკასონესთან და იაპონიის პარლამენტის ბავშვთა დაცვის ლიგის წევრთან იასუტოში ნიშიმურასთან.
ვაშაძემ იაპონელ კანონმდებლებთან შეხვედრაზე მიმოიხილა ორ ქვეყანას შორის არსებული ორმხრივი ურთიერთობების აქტუალური საკითხები, საქართველოს ეკონომიკის სექტორში განხორციელებულ რეფორმები და ენერგეტიკის სფეროში მიმდინარე პროექტები. იაპონიის პარლამენტის წევრებთან საგარეო საქმეთა მინისტრმა ისაუბრა საქართველოს ოკუპირებულ რეგიონებში არსებულ მდგომარეობაზე და რეგიონში მიმდინარე პოლიტიკურ პროცესებზე. მხარეებმა აგრეთვე განიხილეს საქართველოსა და იაპონიის საკანონმდელო ორგანოებს შორის ურთიერთობების გააქტიურების პერსპექტივები.
შეხვედრაზე მხარეები მიესალმნენ იაპონიის საკანონმდებლო ორგანოში 2012 წლის მაისში საქართველოს-იაპონიის საპარლამენტო მეგობრობის ლიგის ჩამოყალიბებას. საუბარი აგრეთვე შეეხო ორი ქვეყნის საპარლამენტო დელეგაციებს შორის ვიზიტების ურთიერთგაცვლის მნიშვნელობას.
