"თბილისის მიკროავრობუსის" ხელმძღვანელმა სამარშრუტო ტაქსებში კონდიცირების სისტემის გამართული მუშაობის მონიტორინგთან დაკავშირებული ინფორმაცია მძღოლებს გააცნო და თხოვნით მიმართა, შეასრულონ ყველა ვალდებულება, რაც მგზავრების კომფორტულად გადაადგილებისთვისაა საჭირო.
კომპანია "თბილისის მიკროავტობუსი" 1-ლი ივლისიდან, მგზავრთა კომფორტულად გადაადგილების მიზნით, აქტიურად ახორციელებს სამარშრუტო ტაქსებში კონდიცირების სისტემის გამართულ მუშაობაზე მონიტორინგს. ყოველდღიურად მოწმდება ქალაქში არსებული თითოეული სამარშრუტო ტაქსი.
"მიუხედავად ამისა, სამწუხაროდ ხშირია შემთხვევები, როდესაც მძღოლები, კომპანიის გაფრთხილების მიუხედავად, თვითნებურად არ რთავენ კონდიცირების სისტემას, რაც მგზავრების სამართლიან უკმაყოფილებას იწვევს", - აცხადებენ კომპანიაში.
მათი განცხადებით, კომპანიის ხელმძღვანელობა პირადად აკონტროლებდა მანქანებში კონდიცირების სისტემის გამართულად მუშაობას. გარკვეულ ხაზებზე აღმოჩენილი იქნა დარღვევები და მოსახლეობის ინტერესებიდან გამომდინარე, ყველა ის მძღოლი (ამ ეტაპზე ასეთი არის 42 მძღოლი), რომელიც არ ემორჩილება შინაგანაწესს და არღვევს კომპანიის მოთხოვნას, 10 დღის განმავლობაში აღარ იმუშავებს ყვითელ მიკროავტობუსზე. ხოლო თუ შემდეგ განმეორდება მსგავსი სახის დარღვევა, კომპანიის მიერ გაგრძელდება სხვადასხვა სახის სანქცია, მათ შორის ხელშეკრულების შეწყვეტა და ა.შ..
