სალომე ზურაბიშვილი ბიძინა ივანიშვილთან და "ქართულ ოცნებასთან" ოფიციალურად ითანამშრომლებს. როგორც ჟურნალისტებთან სალომე ზურაბიშვილმა განაცხადა, დუმილის დრო დამთავრდა და აუცილებელია, დროულად "მოვიშოროთ ის კიბო, რომელიც ქვეყანაშია გავრცელებული". მისი თქმით, ერთადერთი ალტერნატიული ძალა, რომელსაც შეუძლია არჩევნების გზით შეცვალოს ხელისუფლება, ბიძინა ივანიშვილა.
"დუმილის დრო დამთავრდა. მინდა საჯაროდ გამოვუცხადო მხარდაჭერა ბიძინა ივანიშვილსა და "ქართულ ოცნებას". ის არის ერთადერთი რეალური ალტერნატივა არჩევნების გზით ხელისუფლებაზე გამარჯვებისა და ქვეყნის გადარჩენისა. ჩევნ უნდა დავეხმაროთ ამ ძალას, რომ გაიმარჯვოს. ის არის ნამდვილი ქართული, ეროვნული ძალა და უნდა მოვიშოროთ ის კიბო, რომელიც დღეს არის ქვეყანაში", - განაცხადა ზურაბიშვილმა.
მისი თქმით, ის "ქართული ოცნების" საარჩევნო სიასა და მაჟორიტარებს შორის არ იქნება.
"დღეს შევხვდი ივანიშვილს და შევთანხმდით შემდეგ პუნქტებზე: მე არ ვიქნები მაჟორიტარობის კანდიდატი, არ ვიქნები "ქართული ოცნების" საარჩევნო სიაში და მე დავიწყებ სახელმწიფო საქმიანობას, როგორც კი ამის დრო დადგება", - განაცხადა ზურაბიშვილმა.