ჩელიაბინსკელი მოტოციკლისტი ევგენი ხოლმანსკიხ, რომელიც მოტოფესტივალ "აბხაზსკიი ბერეგ -2012"-ის დროს ავტოსაგზაო შემთხვევაში მოყვა დღეს სოჭის საავადმყოფოში დაიღუპა.
სეპარატისტული აფხაზეთის ე.წ. სამართალდამცავები აცხადებენ, რომ ისინი ეძებენ ვიდეო და ფოტომასალას, რომელიც ავტოსაგზაო შემთხვევის დროს იყო გადაღებული. ამასთან ერთად აფხაზეთის ე.წ. ხელისუფლებამ ავარიის შემდეგ გააკეთა განცხადება იმის შესახებ, რომ მოტოციკლეტის მკურნალობის ხარჯებს თავის თავზე აიღებს.
25 წლის ახალგაზრდა მამაკაცი მეგობარ გოგონასთან ერთად მოტოციკლეტისტთა კოლონას წინ მიუძღვოდა, რომლებიც აფხაზეთში გამართულ გარბენში მონაწილეობდნენ. წინ ე.წ. სამართალდამცავთა ავტომობილი მიდიოდა, თუმცა მოულოდნელად საწინააღმდეგო მხრიდან დიდი სისწრაფით "უაზის" ტიპის ავტომობილი გამოვარდა და მოტოციკლეტისტს დაეჯახა.
დარტყმის სიმძლავრე იმდენად ძლიერი იყო, რომ გოგოს ფეხი მოაგლიჯა. იგი სოხუმის საავადმყოფოში გადაიყვანეს და ოპერაცია გაუკეთეს თუმცა ფეხის შენარჩუნება ვერ მოხერხდა და მას ფეხის ამპუტაცია გაუკეტეს. ახალგაზრდა მამაკაცს თავის ტვინი ჰქონდა დაზიანებული.
"უაზის" ტიპის ავტომობილის მძღოლი დაკავებულია.
